«ՔՎԱՆՏ» ՎԱՐԺԱՐԱՆՈՒՄ ԴՐՎԵՑ ԵՎՍ ՄԻ ԳԵՂԵՑԻԿ ԱՎԱՆԴՈՒՅԹԻ ՍԿԻԶԲ

     Ներկայիս բարդ ու ծանր ժամանակներում համաշխարհայնացման հորձանուտի մեջ հայտնված անհատի համար առավել քան կարևոր են ազգային արժեքներից չնահանջելը, ազգային արժեհամակարգի կրողը լինելը։ Այդ գիտակցումով «Քվանտ» վարժարանում մշտապես կազմակերպվում են հայրենաճանաչության ամրապնդմանն ուղղված տարբեր միջոցառումներ։ Դրանցից է նաև վարժարանի հայոց լեզվի ու գրականության և պատմության ամբիոնների նախաձեռնությամբ կազմակերպված ու անցկացված «Հայագիտակ» մրցույթը, որը նախատեսված է 6-8-րդ դասարաններում սովորողների համար։ Տեսակի մեջ եզակի այս մրցույթում հայրենագիտական առարկաներից («Հայոց լեզու», «Հայ գրականություն», «Հայաստանի աշխարհագրություն», «Հայոց պատմություն», «Հայ մշակույթ», «Հայոց եկեղեցու պատմություն»)։

    Մրցույթի համար ձևավորվել է հատուկ հանձնաժողով ԵՊՀ և վարժարանի հայոց լեզվի, գրականության, պատմության ու աշխարհագրության ամբիոնների մասնագետների մասնակցությամբ։ Հանձնաժողովի նախագահը ԵՊՀ պատմության ֆակուլտետի դոցենտ, պատմական գիտությունների թեկնածու Հովիկ Գրիգորյանն է։

   Մրցույթը առաջին տարվա համար արձանագրել է հիանալի արդյունք․ գրանցվել են 6-8-րդ դասարանների շուրջ յոթ տասնյակ սովորողներ։

    Յուրաքանչյուր տարիքային խմբում փայլուն արդյունք ցուցաբերած, ամենաբարձր միավորներ հավաքած 3-5 աշակերտները վաստակած միավորների վարկանիշային սկզբունքով արժանացան լուրջ մրցանակների։ Մասնավորապես վարժարանի 7-2 դասարանի սովորող Ռոբերտ Գեղամյանը արժանացավ 1-ին կարգի (200 000 դրամ), Լինա Եդիգարյանը (7-5) և Արսեն Արզումանյանը (7-4)՝ 2-րդ կարգի (150 000-ական դրամ), Արարատ Հակոբյանը (7-5), Ռիտա Հակոբյանը (7-5), Սիլվա Միքայելյանը (8-4), Ալեքս Պողոսյանը (8-5), Դավիթ Սուքիասյանը (9-5)՝ 3-րդ կարգի (100 000-ական դրամ) մրցանակների։

   Ջերմորեն շնորհավորում ենք թե՛ մրցանակակիրներին, թե՛ հանձնաժողովի անդամներին՝ խորապես հավատալով, որ «Հայագիտակ» մրցույթը կմեծացնի իր ընդգրկումները և շատ արագ կարձանագրի նորանոր հաղթանակներ՝ նպաստելով հայրենաճանաչության չափազանց կարևոր գործին։                                                Հ ․ Լ․

Հանձնաժողովի որոշմամբ «Հայագիտակ» մրցույթի մրցանակային ֆոնդը

հաղթողների միջև բաշխվել է հետևյալ կերպ

7-րդ դասարան

8-րդ դասարան

9-րդ դասարան