Հեռավար դպրոց
Դիմավորիր քո ապագան կրթության ուժով։
Միացիր հարթակին, որտեղ կրթությունը վերածվում է ուժի ու արդյունքի։
Դիմել ընդունելության համար
60+
Դասարան
1․000+
Աշակերտ
80+
Ուսուցիչ
4,9
1,000+
Դրական կարծիք
Ալեքս Գրիգորյան
IOI37
Ինֆորմատիկա
Ալեքս Գրիգորյան
IMO 66th
Մաթեմատիկա
Սամվել Հարությունյան
IZHO22
Ֆիզիկա
Ալեքս Գրիգորյան
IZHO22
Ինֆորմատիկա
Տիգրան Հախեյան
IZHO22
Մաթեմատիկա
Էդգար Միքայելյան
IZHO22
Մաթեմատիկա
Արման Խաչատրյան
IZHO22
Մաթեմատիկա
Հայկ Մանուկյան
IZHO22
Մաթեմատիկա
Նորություններ և Հայտարարություններ
ՄԱՐԶԱԿԱՆ ՄՐՑԱՇԱՐՈՒՄ ԵՎՍ ԱՌԱՋԱՏԱՐ ԵՆՔ
Քվանտականները գործուն մասնակցություն են ունենում ոչ միայն գիտակրթական, այլ նաև մարզական միջոցառումներին:
Տեսնել Ավելին
ՄԱՐԶԱԿԱՆ ՄՐՑԱՇԱՐՈՒՄ ԵՎՍ ԱՌԱՋԱՏԱՐ ԵՆՔ
Քվանտականները գործուն մասնակցություն են ունենում ոչ միայն գիտակրթական, այլ նաև մարզական միջոցառումներին:Ս.թ. հոկտեմբերի 4-ին Երևանի քաղաքապետարանի նախաձեռնությամբ կազմակերպվեց «Երևանի մարաթոն» արդեն ավանդական դարձած ամենամյա վազքի մրցումը, որի 500 մասնակիցներից շուրջ 130-ը քվանտականներն էին:Վազքարշավը մեկնարկեց Ս. Շահումյանի անվան հրապարակից և շարունակվեց մինչև 14:30-ն՝ ընդգրկելով 42կմ, 21կմ, 11,5կմ, 5կմ և 1կմ (մանկական վազք) վազքատարածություններ: Անցնելով մայրաքաղաք Երևանի կենտրոնական փողոցներով՝ վազորդները մրցավազքը եզրափակեցին մեկնարկային վերջնագծում:Ցանկանում ենք ուրախությամբ արձանագրել, որ քվանտական Ռաֆայել Համբարձումյանը (6-2 դասարան) փայլուն հանդես եկավ՝ զբաղեցնելով պատվավոր 2-րդ հորիզոնականը: Ջերմորեն շնորհավորում ենք Ռաֆայելին՝ նրան և բոլոր քվանտականներին մաղթելով նորանոր հաղթանակներ։
Փակել
Ս. Փարաջանովի զարմանահրաշ արվեստի աշխարհում
9֊1 դասարանի աշակերտները դասղեկ Կ. Ասատրյանի հետ այցելեցին Ս. Փարաջանովի տուն֊թանգարան` ծանոթանալու արվեստագետի ստեղ ծագործություններին` կինո, կոլլաժ, գեղանկար, տիկնիկ...այստեղ` գույնի, գծի, ապակու և հազար ու մի իրերի խորհրդավոր աշխարհում, վերածնվում ու քեզ հետ զրույցի է բռնվում մարդկային կյանքն իր ողջ լիությամբ ու լինելիությամբ։
Տեսնել Ավելին
Ս. Փարաջանովի զարմանահրաշ արվեստի աշխարհում
9֊1 դասարանի աշակերտները դասղեկ Կ. Ասատրյանի հետ այցելեցին Ս. Փարաջանովի տուն֊թանգարան` ծանոթանալու արվեստագետի ստեղ ծագործություններին` կինո, կոլլաժ, գեղանկար, տիկնիկ...այստեղ` գույնի, գծի, ապակու և հազար ու մի իրերի խորհրդավոր աշխարհում, վերածնվում ու քեզ հետ զրույցի է բռնվում մարդկային կյանքն իր ողջ լիությամբ ու լինելիությամբ։
Փակել
Ա ՏԱՌԻ ԾՆՈՒՆԴԸ «ՔՎԱՆՏ» ՎԱՐԺԱՐԱՆՈՒՄ. ԱՌԱՋԻՆ ՔԱՅԼԸ ԴԵՊԻ ԳԻՏԵԼԻՔԻ ԱՇԽԱՐՀ
«Քվանտ» վարժարանի բակում տոնական աշխուժություն էր։ Առաջին դասարանցիները՝ նոր ուսումնական ուղու ամենափոքր, բայց ամենախանդավառ մասնակիցները, կազմակերպել էին Ա տառի շնորհանդեսը։
Տեսնել Ավելին
Ա ՏԱՌԻ ԾՆՈՒՆԴԸ «ՔՎԱՆՏ» ՎԱՐԺԱՐԱՆՈՒՄ. ԱՌԱՋԻՆ ՔԱՅԼԸ ԴԵՊԻ ԳԻՏԵԼԻՔԻ ԱՇԽԱՐՀ
«Քվանտ» վարժարանի բակում տոնական աշխուժություն էր։ Առաջին դասարանցիները՝ նոր ուսումնական ուղու ամենափոքր, բայց ամենախանդավառ մասնակիցները, կազմակերպել էին Ա տառի շնորհանդեսը։ Սա նրանց առաջին քայլն էր դեպի հայոց այբուբենը՝ դեպի հայոց լեզվի ու գրերի կախարդական և հրաշալի աշխարհը։Մեծապես կարևորելով հայոց այբուբենի խորհուրդն ու նրա սքանչելի ստեղծող Մեսրոպ Մաշտոցի վեհ գործը՝ փոքրիկ քվանտականները հանդես եկան գեղեցիկ նախաձեռնությամբ. նախ՝ Այբբենարանի առաջին էջում միակամ փակցրին նկարը հանճարեղ հայի, որն իր բարի ժպիտով ամեն անգամ քաջալերելու է գիտելիքասեր փոքրիկներին: Ապա յուրահատուկ ֆլեշմոբ էին կազմակերպել․ վարժարանի բակում ձևավորել էին Ա տառը՝ հայ գրի խորհրդանիշը՝ միավորվելով չորս առաջին դասարաններով։ Այս կերպ նրանք ոչ միայն նշեցին իրենց առաջին ձեռքբերումը, այլև խորհրդանշեցին գիտելիքի ու լուսավոր ճանապարհի սկիզբը։Ուսուցիչները հպարտությամբ հետևում էին, թե ինչպես է յուրաքանչյուր փոքրիկ իր տեղն զբաղեցնում մեծատառի ձևավորման մեջ՝ դառնալով հայ գրի խորհրդի կենդանի մասնիկ։Ա տառի շնորհանդեսը «Քվանտ» վարժարանում դարձավ հուզիչ հիշողություն՝ առաջին դասարանցիների համար գիտելիքի տոնի սկիզբը։ Այն հիշարժան սկիզբ է՝ գիտելիքի ու ստեղծագործական ճանապարհի առաջին նշանը, որով փոքրիկ քվանտականները բացեցին հայոց այբուբենի դռները։ Հ. Լ.Հ.Գ. Ստորև ներկայացնում ենք ֆլեշմոբի տեսահոլովակի հղումը՝ https://www.youtube.com/watch?v=V0Ec6DXf1q8
Փակել
ԱՐՎԵՍՏԻ ՈՒ ԵՐԵՎԱԿԱՅՈՒԹՅԱՆ ԲԱԶՄԱՇԵՐՏ ԱՇԽԱՐՀՈՒՄ ԱՅՍՊԵՍ ԾՆՎԵՑ ԵՐԳԸ
«Քվանտ» վարժարանում կազմակերպված յուրօրինակ միջոցառումը 4-րդ դասարանի սովորողներին հնարավորություն տվեց ոչ միայն հանդիպելու ճանաչված արվեստագետների, այլև ականատես լինելու ստեղծագործության իրական ծննդին։
Տեսնել Ավելին
ԱՐՎԵՍՏԻ ՈՒ ԵՐԵՎԱԿԱՅՈՒԹՅԱՆ ԲԱԶՄԱՇԵՐՏ ԱՇԽԱՐՀՈՒՄ ԱՅՍՊԵՍ ԾՆՎԵՑ ԵՐԳԸ
«Քվանտ» վարժարանում կազմակերպված յուրօրինակ միջոցառումը 4-րդ դասարանի սովորողներին հնարավորություն տվեց ոչ միայն հանդիպելու ճանաչված արվեստագետների, այլև ականատես լինելու ստեղծագործության իրական ծննդին։Միջոցառմանը նախորդել էր խնամքով կազմակերպված նախապատրաստական փուլ․ մի քանի շաբաթ առաջ փոքրիկներին տրվել էր առաջադրանք՝ հայտնի գրողին կամ կոմպոզիտորին ինչ հարցեր կտային։ Փոքրիկները ոգևորված ներկայացրել էին հարցաշարը։ Հենց այդ անկեղծ ու անմիջական հարցերն էլ դարձան ծրագրի առանցքային նյութը։ Քվանտական փոքրիկներն արդեն գիտեին, որ հյուրեր են ունենալու, բայց թե ովքեր… դա մնաց բեմական խորհրդավորության մի մասնիկ։Եվ ահա վարժարանի դահլիճում են նրանք, ովքեր իրենց ներդրմամբ վաղուց դարձել են «Քվանտի» ինքնության մասնիկ՝ գրող, հրապարակախոս, Այբբենարանի այլ դասագրքերի, մեթոդական ձեռնարկների ու գեղարվեստական երկերիհեղինակ, ինչպես նաև«Քվանտ» վարժարանի օրհներգի խոսքերի հեղինակ Վաչագան Սարգսյանը կոմպոզիտոր, վարժարանի օրհներգի երաժշտության հեղինակ Ներսես Մարգարյանը։ Մինչ նրանց ինքնությունը բացահայտելը Վ. Սարգսյանը փոքրիկների համար ներկայացրեց ստեղծագործական խաղ՝ իրենց անուններով պատրաստված նկարելուկներ, որոնք երեխաները պիտի գուշակեին։ Առաջադրանքի հաջող կատարման պահին դահլիճ մուտք գործեցին «բացահայտված» հյուրերը՝ որպես վարժարանի լավագույն բարեկամներ։Հյուրերի ներս գալուն հաջորդեց հուզիչ պահ․ փոքրիկները միասին երգեցին վարժարանի օրհներգը, իսկ հետո փորձեցին գուշակել նրանց կապը վարժարանի հետ։ Արձագանքները բազմազան էին, սակայն ճիշտ պատասխանը մեծ խանդավառությամբ ընդունվեց․հենց նրանք են վարժարանի հիմնի խոսքերի և երաժշտության հեղինակներ:Այնուհետև հյուրերը հերթով պատասխանեցին աշակերտների՝ շաբաթներ առաջ հնչեցրած հարցերին: Ն. Մարգարյանի «Հրաշք մեղեդի» երգչախմբի կատարումը հարստացրեց միջոցառման գեղարվեստական տրամադրությունը։Ամենահմայիչ մասը դեռ առջևում էր։ Միջոցառման խորագիրը՝ «Այսպես ծնվեց երգը», բառացիորեն պետք է իրականություն դառնար բեմի վրա։ Դահլիճից փոքրիկները 10 կամայական բառ հնչեցրին, իրար հետ կապ չունեցող, պատահական, ազատ բառեր։ Եվ հենց այդտեղ՝ բոլորի աչքի առաջ, Վ. Սարգսյանը սահմանափակ ժամանակում ստեղծեց բանաստեղծական նոր, թարմ տեքստ՝ նոր երգի խոսքեր։ Այնուհետև նույնքան արագ ու ներշնչված Ն.Մարգարյանը գրեց երգի երաժշտությունը։ «Հրաշք մեղեդի» երգչախմբի սաները անմիջապես կենդանացրին նորաստեղծ ստեղծագործությունը՝ կատարելով այն բեմում։ Դահլիճը լցվեց ոգևորությամբ ու հիացմունքով․ փոքրիկները ականատես եղան իրական հրաշքի, տեսան՝ ինչպես է բառից ու հնչյունից ծնունդ առնում երգը։Նման միջոցառումները մեծապես նպաստում են երեխաների ստեղծագործական մտածողության, երևակայության և ինքնարտահայտման զարգացմանը, նրանց անմիջականորեն հաղորդակից դարձնելով ստեղծագործական գործընթացի ամենահետաքրքիր դրվագներին:«Քվանտ» վարժարանում ոչ միայն սովորեցնում են արվեստ, գրականություն ու երաժշտություն, այլև ոգեշնչում են նոր ստեղծագործությունների ծնունդը։Այս նախաձեռնությունը ոչ միայն գեղարվեստական գեղեցիկ փորձառություն է, այլև կրթական արժեքավոր գործընթաց, որը խթանում է երեխաների ստեղծագործական մտածողությունը և գեղարվեստական երևակայության զարգացումը։ «Քվանտ» վարժարանը շարունակում է ձևավորել միջավայր, որտեղ արվեստը դառնում է կենդանի, իսկ երեխաները՝ նրա համաստեղծողները։
Փակել
«Քվանտ» վարժարանը
ՀՀ փորձարարական, ոչ պետական առաջին դպրոցն է, որը հիմնադրվել է 1991թ․ սեպտեմբերին (արտոնագիր հ․ 001)։ Վարժարանի շրջանավարտները ստանում են պետական ատեստատ։ Առաջին ուստարում վարժարանը ուներ 49 աշակերտ, 17 ուսուցիչ և 21 շրջանավարտ: Զբաղեցնում էր մոտ 400 քմ տարածք: Ներկայումս շուրջ 3000 շրջանավարտ ունեցող վարժարանի տարրական, միջին և ավագ դասարաններում սովորում է մոտ 1000 աշակերտ։ Գործող 60 դասարաններից երկուսում կրթությունն իրականացվում է Միջազգային բակալավրիատի «Դիպլոմա» ծրագրով, իսկ մյուս 58 դասարաններում՝ վարժարանի հեղինակային ծրագրով։
Տեսադարան
