08.06.2023

    Օրերս «Քվանտ» վարժարանի հոգեբանական ծառայության աշխատակից Արթուր Եղիազարյանի հետ հետաքրքիր դասհանդիպում կազմակերպվեց վարժարանի 8-2 դասարանում։ Հաշվի առնելով սովորողների տարիքային առանձնահատկությունները և այդ տարիքային խմբում խնդիրների հաղթահարման ընթացքում առաջ եկած դժվարությունները՝ դասղեկ Հ․ Մանուչարյանը հրավիրել էր վարժարանի հոգեբանին։ Վերջինս խոսեց դժվար իրավիճակներում հոգեպես պինդ մնալու, դժվարություններին համապատասխան արձագանք ապահովելու և այդ ընթացքում ընկճված, հուսահատ վիճակների մեջ չընկնելու կարևորության մասին։ Ուշագրավն այն էր, որ զրույցը համեմվեց ինտերակտիվ խաղերով, հետաքրքիր հնարների կիրառմամբ։
      Լուրջ մարտահրավերներով հագեցած մեր պետության քաղաքացին պիտի կարողանա դիմագրավել բոլոր խոչընդոտները, պատվով հաղթահարել խնդիրները, լինել սթրեսակայուն, չենթարկվել զգայական ցնցումների։ Հենց դրան է ուղղված նմանատիպ միջոցառումների կազմակերպումը։