2026 թվականին ապրիլի 13-15-ը «Քվանտ» վարժարանը կդառնա միջազգային գիտական կարևոր իրադարձության հարթակ՝ հյուրընկալելով PLMCN-2026 (International Conference on Physics of Light-Matter Coupling in Nanostructures and Nanophotonics) հեղինակավոր գիտաժողովը։
(տես՛ PLMCN 2026 - Conference)։
Վայրը և նշանակությունը
Գիտաժողովի անցկացումը «Քվանտ» վարժարանում կարևոր իրադարձություն է ոչ միայն դպրոցի, այլև Հայաստանի կրթական և գիտական ոլորտի համար։ Սա վկայում է, որ վարժարանը շարունակում է հանդես գալ որպես բարձր մակարդակի գիտական և կրթական կենտրոն՝ միավորելով երիտասարդ սերունդն ու միջազգային գիտական համայնքը։
Գիտաժողովի
բովանդակությունը
PLMCN-2026-ը նվիրված է լույս–նյութ փոխազդեցության ֆիզիկային՝ նանոկառուցվածքներում և նանոֆոտոնիկայում։ Կքննարկվեն ինչպես հիմնարար գիտական հարցեր, այնպես էլ կիրառական տեխնոլոգիաներ, այդ թվում՝
- պոլարիտոնային լազերներ
- օպտիկական անջատիչներ
- մեկ ֆոտոնի աղբյուրներ
- ֆոտոնիկ բյուրեղներ
- միկրոխոռոչներ և նանոկառուցվածքներ
«Քվանտ» վարժարանի աշակերտների և ուսուցիչների համար սա բացառիկ հնարավորություն է՝ անմիջականորեն շփվելու համաշխարհային ճանաչում ունեցող գիտնականների հետ և ներգրավվելու գիտության նորագույն զարգացումներին։
Համաժողովին մասնակցելու ցանկություն ունեցող անձինք կարող են գրանցվել՝ զանգահարելով «Քվանտ» վարժարան։
PLMCN 2026 - Conference
