CMO-2025
13.06.2025
ԻՆՆԵՐՈՐԴՑԻ ՔՎԱՆՏԱԿԱՆՆԵՐԻ ԵՌՅԱԿԸ ՆՎԱՃԵՑ ՄԻՋԱԶԳԱՅԻՆ ՕԼԻՄՊԻԱԿԱՆ ԲԱՐՁՈՒՆՔԸ...
Օլիմպիական քվանտականների կրտսեր սերունդը սրբորեն հետևում է ավագ ընկերների օրինակին և գեղեցիկ հաղթանակներ արձանագրում միջազգային օլիմպիական հարթակում:
Ս.թ. մարտի 14-19-ը Մայկոպում կայացավ մաթեմատիկայի 10-րդ կովկասյան օլիմպիադան, որին մեր հանրապետությունը ներկայացնում էր 9-րդ դասարանում սովորող չորս պատանի: Նրանցից երեքը քվանտականներ են: Երեք մասնակիցն էլ փայլուն հանդես եկան օլիմպիադայում և ուժերը փորձելով իրենց տարեկից պատանիների հետ՝ արձանագրեցին հիանալի արդյունք: Մասնավորապես Հայկ Մանուկյանը արժանացավ ոսկե, իսկ Տիգրան Հախեյանը և Արեն Գրիգորյանը՝ արծաթե մեդալների:
Ուրախալի է նաև այն փաստը, որ օլիմպիադայի աշխատանքները թարգմանեց ու գնահատեց «Քվանտ» վարժարանի շրջանավարտ, տարիներ առաջ միջազգային օլիմպիական հաղթարշավում իր անունը ոսկե տառերով գրած Ալբերտ Գևորգյանը:
Ջերմորեն շնորհավորում ենք բոլոր հաղթողներին և խորին երախտագիտություն հայտնում պատանիներին օլիմպիադային նախապատրաստելու, նաև օլիմպիադան համակարգելու գործում մեծ ներդրում ունեցած «Քառակուսի» կրթական հիմնադրամին:
Հ. Լ.
