EGMO-2025
19.05.2025
ՕԼԻՄՊԻԱԿԱՆ ՏՂԱՆԵՐԻՑ ՀԵՏ ՉԻ ՄՆՈՒՄ ՆԱԵՎ ՔՎԱՆՏԱԿԱՆ ԳԵՂԵՑԿՈՒՀԻՆ...
Օլիմպիական հաղթարշավի փառահեղ կերտողները «Քվանտ» վարժարանում ոչ միայն պատվախնդիր տղաներն են, այլև խելացի գեղեցկուհիները: Ասվածի վառ վկայությունը վերջերս միջազգային օլիմպիադայում արձանագրված հիանալի արդյունքն է:
Ս.թ. ապրիլի 11-17-ը Կոսովոյում կայացավ Եվրոպայի աղջիկների մաթեմատիկայի միջազգային 14-րդ օլիմպիադան (EGMO), որին առաջին անգամ մասնակցեց նաև ՀՀ թիմը՝ բաղկացած չորս անդամներից: Նրանցից մեկն էլ քվանտական, Միջազգային բակալավրիատի «Դիպլոմա» ծրագրի 11-րդ դասարանի սովորող Քրիստինա Հայրապետյանն է:
Ուժերը փորձելով շուրջ 60 երկրի 219 տարեկիցների հետ՝ Քրիստինան նվաճեց բրոնզե մեդալ: Սա փայլուն արդյունք է՝ հաշվի առնելով այն հանգամանքը, որ այդ օլիմպիադայում Հայաստանի առաջին մասնակցությունն էր:
Ջերմորեն շնորհավորում ենք թե՛ Քրիստինային, թե՛ Հայաստանը ներկայացնող մյուս աղջիկներին և թե՛ թիմը ղեկավարող Նարեկ Մկրտումյանին ու Վաչագան Դիլանյանին: Հ. Լ.
