Սիրելի՛ կանայք, մայրե՛ր, քույրե՛ր և աղջիկնե՛ր, ջերմորեն շնորհավորում ենք ձեզ գարնանային գեղեցիկ տոների՝ կանանց միամսյակի...
Հարգելի՛ քվանտականներ, ներկայացված է գարնանային ստուգարքների ժամանակացույցը։...
Շնորհավորում ենք «Որոնում ենք տաղանդներ» մրցույթի երկրորդ փուլ անցած մասնակիցներին։...
«Քվանտ» վարժարանում կարևորում են ազգային ինքնության, հոգևոր հասունացման ամրապնդմանը վերաբերող ցանկացած միջոցառում......
«Քվանտ» վարժարանում մեծապես կարևորում են գրքի ու գրականության դերը անհատի ձևավորման և կայացման գործում......
«Քվանտ» վարժարանում տարիների ընթացքում ձևավորվել են մի շարք գեղեցիկ ավանդույթներ......
«Քվանտ» վարժարանի 6-5 դասարանի սաները պատմվածքի ընթերցում-քննարկումը շարունակեցին գրողի տուն-թանգարանում......
Հարգելի՛ քվանտականներ, ներկայացնում ենք Ա․ Օսկանյանի հուշամրցույթի մաթեմատիկա, ինֆորմատիկա, աշխարհագրություն, կենսաբանու...
Հարգելի՛ քվանտականներ, ներկայացնում ենք ձմեռային վերաքննությունների ժամանակացույցը։...
Հարգելի՛ քվանտականներ, ներկայացնում ենք Ա․ Օսկանյանի հուշամրցույթի աշխարհագրության արդյունքները։...
«Քվանտ» վարժարանի «Ուղեծիր» ռազմամարզական ճամբարը հերթական անգամ դարձավ կրթական կարևոր քննարկումների հարթակ։ Վարժարանի քառօրյա աշխատաժողովի շրջանակում հյուրընկալվել էր ՀՀ կրթության, գիտության, մշակույթի և սպորտի նախարարության հանրակրթության վարչության պետ Թամարա Սարգսյանը։
Այցի ընթացքում Թ. Սարգսյանը հանդիպեց վարժարանի՝ ճամբարում հավաքված մանկավարժական անձնակազմին։ Նա հանդես եկավ ելույթով՝ ներկայացնելով հանրակրթական ուսումնական հաստատությունների ուսուցիչների վերապատրաստման և կամավոր ատեստավորման պետական ծրագրի ընթացքն ու հեռանկարները։ Հատուկ ուշադրություն դարձվեց վերապատրաստման արդյունավետությանը, ատեստավորման գործընթացում գիտական և մեթոդական չափորոշիչների ներդրմանը, ինչպես նաև ուսուցչի դերի բարձրացման կարևորությանը։
Հյուրի այցի առանցքային կետերից մեկն էր ուսուցիչների ատեստավորման՝ «Քվանտ» վարժարանի կողմից մշակված հայեցակարգին ծանոթանալը։ Ներկայացված մոտեցումը արժանացավ դրական արձագանքի։ Թ. Սարգսյանը կարևորեց այն փաստը, որ կրթական հաստատությունը սեփական նախաձեռնությամբ մշակել է վերապատրաստման և գնահատման համապարփակ մոդել՝ հիմնված արդի կրթական չափանիշների վրա։ Տասնամյակներ շարունակ մասնավոր կրթական հաստատությունները ունեցել են հեղինակային ծրագրեր, ուսուցիչների վերապատրաստման ու ատեստավորման սեփական մոդել, որոնց շնորհիվ արձանագրել են ուսուցման գործընթացի արդյունավետ կազմակերպման ընտիր օրինակներ: Վարժարանի՝ արդեն շուրջ 3,5 տասնամյակի արդյունավետ ուղին թե՛ ազգային, թե՛ միջազգային կրթության ասպարեզում հաշվի առնելով՝ քվանտականները հույս հայտնեցին, որ այս անգամ էլ պետությունը կվստահի վարժարանին՝ թույլ տալով ուսուցիչների վերապատրաստման ու ատեստավորման գործընթացները կազմակերպել սեփական հայեցակարգով:
«Ուղեծիր»-ում կազմակերպված հանդիպումն արձանագրեց կրթության նկատմամբ ոչ միայն պետական, այլև հասարակական ակտիվ դիրքորոշում։ Քննարկումները ցույց տվեցին, որ բարեփոխումները կարող են հաջողությամբ իրագործվել, երբ պետությունը, մասնավոր հատվածն ու մանկավարժները հանդես են գալիս համագործակցության նույն հարթակից։
«Քվանտ» վարժարանը շարունակելու է հանդես գալ կրթական նորարար նախաձեռնություններով՝ համագործակցելով ոլորտի քաղաքականության մշակման և իրականացման պատասխանատուների հետ։
Հ.Լ.
