ԳՅՈՒՄՐԻՆ ԲԱՑԱՀԱՅՏԵԼՈՒ ՀԵՏՔԵՐՈՎ․․․
08.06.2023
Հայրենաճանաչությունը վաղվա քաղաքացու կերպարը կերտելու, այն ամբողջացնելու գործում կարևոր բաղադրիչներից մեկն է։
Օրերս «Քվանտ» վարժարանի 7-4 դասարանի սովորողները դասղեկ Լ․ Մանուկյանի ուղեկցությամբ արվեստների ու արհեստների քաղաք Գյումրիում էին։ Էքսկուրսիան մշակութային քաղաքի տարբեր վայրերում չափազանց տպավորիչ էր ու հիշարժան։
Քվանտականները եղան Սև բերդի մատույցներում, նաև Ավ․ Իսահակյանի թանգարանում։ Նրանք քաջածանոթ էին հանճարեղ բանաստեղծի կյանքին ու ստեղծագործության կարևոր դրվագներին, բայց նաև չափազանց տպավորվեցին լսած հետաքրքիր նոր մանրամասներով։
Գյումրի քաղաքի ամեն փողոցը, ամեն քարն ու թուփը հետաքրքիր պատմություն ունի, կապված է այս կամ այն արվեստագետի, ստեղծագործողի կյանքի որևէ դրվագի հետ։ Քվանտականները շրջեցին քաղաքում և բուռն ու հագեցած օրվա ավարտից հետո ցնցող տպավորություններով վերադարձան տուն։
