Հարգելի՛ քվանտականներ, ներկայացնում ենք 2022-23 ուստարվա ձմեռային քննաշրջանի 5-12-րդ դասարանների ժամանակացույցը։ ...
Հարգելի´ քվանտականներ, մեկնարկում է Օսկանյանի անվան հուշամրցույթը......
«Քվանտ» վարժարանի ուսումնական գործընթացում կարևոր տեղ ունի սովորողների գեղագիտական դաստիարակությունը......
«Քվանտ» վարժարանում մեծապես կարևորում են կրթական գործընթացի արդյունավետ կազմակերպումը և լուրջ քայլեր են արվում նպաստելու...
Քվանտականները մեծապես հետաքրքրված են մեր ժողովրդի պատմությամբ, պատմական տարբեր ժամանակաշրջանների առանձնահատկություններով...
Օրերս վարժարանի 7-1 դասարանի և գրադարանի արդյունավետ համագործակցության հիմքը դրվեց. վարժարանի ընթերցասրահում անցկացվեց 7...
«Քվանտ» վարժարանի ուսուցիչներից շատերը ոչ միայն կրթական գործընթացի հմուտ մասնակիցներ են, այլ նաև գիտական մտքի հզոր գեներ...
Մեկնարկում է «ԲՐԵՅՆ-ՌԻՆԳ» ինտելեկտուալ ամենամյա մրցույթը։ 5-12 –րդ դասարաններին առաջարկվում է կազմել 5 հոգանոց թիմեր...
Օրերս «Քվանտ» վարժարանում էր ԵՊՀ ֆիզիկայի ֆակուլտետի պինդ մարմնի ֆիզիկայի ամբիոնի վարիչ, ֆիզմաթ գիտությունների դոկտոր, պ...
Վերջերս «Քվանտ» վարժարանում էր քվանտականների լավագույն բարեկամ, աշխարհահռչակ գիտնական, ակադեմիկոս, Մոսկվայի պետական համա...
2026 թ. փետրվարի 13-ին ՀՀ ԳԱԱ պատմության ինստիտուտի նախաձեռնությամբ տեղի ունեցավ պատմական գիտությունների դոկտոր, պրոֆեսոր Վլադիմիր Ղազախեցյանի ծննդյան 100-ամյակին նվիրված հոբելյանական նիստ։ Միջոցառմանը մասնակցում էին գիտնականի դուստրը, թոռները, հարազատները, գործընկերները, ընկերները, սաները՝ համախմբված նրա հիշատակի և գիտական ժառանգության շուրջ։
Բացման խոսքով հանդես եկավ ինստիտուտի տնօրեն, ԳԱԱ ակադեմիկոս Աշոտ Մելքոնյանը՝ ընդգծելով Վլադիմիր Ղազախեցյանի կարևոր դերակատարությունը թե՛ հայ պատմագիտության զարգացման, թե՛ իր գիտական գործունեության մեջ։ Իր խոսքում նա անդրադարձավ գիտնականի սկզբունքային կեցվածքին, պատմական ճշմարտության բացահայտմանն ուղղված անզիջում աշխատանքին և պատմագիտական մտքի կազմակերպման գործում ունեցած վաստակին։
Ելույթ ունեցավ նաև «Քվանտ» վարժարանի տնօրեն, ֆիզմաթ գիտությունների թեկնածու Ռոբերտ Վարդանյանը։ Նա շեշտեց, որ Վլադիմիր Ղազախեցյան ուսուցիչ-գիտնականի տեսակի ներկայությունը վարժարանի հիմնադրման առաջին տասնամյակում մեծապես նպաստեց կրթօջախի կայացմանն ու արժեհամակարգի ձևավորմանը։ Տնօրենը նշեց, որ վարժարանում մեծապես կարևորում են Ղազախեցյանի գործունեությունը և նրա թողած կրթական ու բարոյական ժառանգությունը։
Հոբելյանական տարվա շրջանակում որոշվել է վարժարանի՝ «Պատմություն» առարկայի հետազոտական աշխատանքների պաշտպանությունը նվիրել Վլադիմիր Ղազախեցյանի հիշատակին։ Բացի այդ, վարժարանի պատմության ամբիոնի նախաձեռնությամբ իրականացվող «Հայագիտակ» մրցույթը ևս կանցկացվի հոբելյանական խորհրդով՝ նվիրված մեծ պատմաբանի 100-ամյակին։
Վարժարանը նաև կսահմանի Վլադիմիր Ղազախեցյանի անվան կրթաթոշակ՝ խրախուսելու պատմագիտությամբ հետաքրքրվող և բարձր առաջադիմություն ցուցաբերող աշակերտներին։
Միջոցառման ընթացքում սիրելի ուսուցչի մասին խոսեցին նաև «Քվանտ» վարժարանի շրջանավարտներ, ներկայումս վարժարանի պատմության ամբիոնի վարիչ, ԵՊՀ դոցենտ, պ.գ.թ. Միքայել Մալխասյան, «Քվանտ» վարժարանի հասարակության հետ կապերի համակարգող, ՀՊՏՀ դոցենտ, բ.գ.թ. Լիլիթ Հակոբյանը: Մեծանուն գիտնականի պատմագիտական ժառանգության վերաբերյալ զեկուցումներով հանդես եկան մերօրյա պատմագիտության վառ ներկայացուցիչներ:
Միջոցառումը դարձավ ոչ միայն հիշատակի տուրք մեծ գիտնականին, այլև շարունակականության խորհրդանիշ՝ վկայելով, որ նրա գաղափարները, գիտական խստապահանջությունն ու մանկավարժական սկզբունքները շարունակում են ապրել և ներշնչել նոր սերունդներին։ Հ. Լ.
