Խոր ցավով և մեծ ափսոսանքով տեղեկացնում ենք, որ 63 տարեկան հասակում կյանքից անժամանակ հեռացավ «Քվանտ» վարժարանի ռուսաց լե...
Հաղթող քվանտականը երբեք չի բավարարվում արձանագրած հաջողություններով, մշտապես նվաճում է նորանոր բարձունքներ․․․...
Քվանտականները տարբեր առիթներով բազմիցս ապացուցել են, որ մրցունակ են ոչ միայն գիտությունների, այլ նաև արվեստի ասպարեզում։...
Ավարտվեց «Մաթեմատիկա» առարկայի միջազգային 62-րդ օլիմպիադան։ Համավարակով պայմանավորված՝ միջազգային մրցույթներն այս տարի ա...
«Քվանտ» վարժարանի 10-րդ դասարանի սովորող Լեոնիդ Ասատրյանը վերջին ամիսներին արդեն 3-րդ անգամ է հպարտության ու բերկրանքի պ...
Ֆիզիկայի 51-րդ միջազգային օլիմպիադան ևս հաղթական էր քվանտականների համար։ Վարժարանի մեկ մասնակիցը ձեռնունայն չի վերադարձե...
Ավարտվեց ուսումնական ևս մեկ տարի, որը, սակայն, էապես տարբերվում էր՝ պայմանավորված աշխարհին պատուհասած համավարակով և 44-օ...
Օլիմպիական քվանտականները քուն ու դադար չունեն․ նրանք մեծ եռանդով ու ջանասիրությամբ անընդհատ պարապում են և հարազատ կրթօջա...
«Քվանտ» վարժարանում ուսանում են պատանիներ, որոնք փայլում են ոչ միայն իրենց ակադեմիական գիտելիքներով, այլև արվեստի նկատմա...
2020-21 ուստարին հագեցած էր ծանր կորուստներով, հոգեմաշ ապրումներով։ Դեռ նախորդ ուստարվանից աշխարհին պատուհասած համավարակ...
2026 թ. փետրվարի 13-ին ՀՀ ԳԱԱ պատմության ինստիտուտի նախաձեռնությամբ տեղի ունեցավ պատմական գիտությունների դոկտոր, պրոֆեսոր Վլադիմիր Ղազախեցյանի ծննդյան 100-ամյակին նվիրված հոբելյանական նիստ։ Միջոցառմանը մասնակցում էին գիտնականի դուստրը, թոռները, հարազատները, գործընկերները, ընկերները, սաները՝ համախմբված նրա հիշատակի և գիտական ժառանգության շուրջ։
Բացման խոսքով հանդես եկավ ինստիտուտի տնօրեն, ԳԱԱ ակադեմիկոս Աշոտ Մելքոնյանը՝ ընդգծելով Վլադիմիր Ղազախեցյանի կարևոր դերակատարությունը թե՛ հայ պատմագիտության զարգացման, թե՛ իր գիտական գործունեության մեջ։ Իր խոսքում նա անդրադարձավ գիտնականի սկզբունքային կեցվածքին, պատմական ճշմարտության բացահայտմանն ուղղված անզիջում աշխատանքին և պատմագիտական մտքի կազմակերպման գործում ունեցած վաստակին։
Ելույթ ունեցավ նաև «Քվանտ» վարժարանի տնօրեն, ֆիզմաթ գիտությունների թեկնածու Ռոբերտ Վարդանյանը։ Նա շեշտեց, որ Վլադիմիր Ղազախեցյան ուսուցիչ-գիտնականի տեսակի ներկայությունը վարժարանի հիմնադրման առաջին տասնամյակում մեծապես նպաստեց կրթօջախի կայացմանն ու արժեհամակարգի ձևավորմանը։ Տնօրենը նշեց, որ վարժարանում մեծապես կարևորում են Ղազախեցյանի գործունեությունը և նրա թողած կրթական ու բարոյական ժառանգությունը։
Հոբելյանական տարվա շրջանակում որոշվել է վարժարանի՝ «Պատմություն» առարկայի հետազոտական աշխատանքների պաշտպանությունը նվիրել Վլադիմիր Ղազախեցյանի հիշատակին։ Բացի այդ, վարժարանի պատմության ամբիոնի նախաձեռնությամբ իրականացվող «Հայագիտակ» մրցույթը ևս կանցկացվի հոբելյանական խորհրդով՝ նվիրված մեծ պատմաբանի 100-ամյակին։
Վարժարանը նաև կսահմանի Վլադիմիր Ղազախեցյանի անվան կրթաթոշակ՝ խրախուսելու պատմագիտությամբ հետաքրքրվող և բարձր առաջադիմություն ցուցաբերող աշակերտներին։
Միջոցառման ընթացքում սիրելի ուսուցչի մասին խոսեցին նաև «Քվանտ» վարժարանի շրջանավարտներ, ներկայումս վարժարանի պատմության ամբիոնի վարիչ, ԵՊՀ դոցենտ, պ.գ.թ. Միքայել Մալխասյան, «Քվանտ» վարժարանի հասարակության հետ կապերի համակարգող, ՀՊՏՀ դոցենտ, բ.գ.թ. Լիլիթ Հակոբյանը: Մեծանուն գիտնականի պատմագիտական ժառանգության վերաբերյալ զեկուցումներով հանդես եկան մերօրյա պատմագիտության վառ ներկայացուցիչներ:
Միջոցառումը դարձավ ոչ միայն հիշատակի տուրք մեծ գիտնականին, այլև շարունակականության խորհրդանիշ՝ վկայելով, որ նրա գաղափարները, գիտական խստապահանջությունն ու մանկավարժական սկզբունքները շարունակում են ապրել և ներշնչել նոր սերունդներին։ Հ. Լ.