Ուստարվա ավարտը և ամառային թեժ շոգը ամենևին էլ չեն խանգարում քվանտականներին, որ մեծ ջերմեռանդությամբ մասնակցեն մեկը մյու...
Օլիմպիական քվանտականները երբեք չեն բավարարվում իրենց ունեցածով․ մշտապես բացահայտում և գրավում են նորանոր բարձունքներ՝ հա...
Ուսումնական տարին ավարտին է մոտեցել, սակայն օլիմպիական քվանտականների եռանդը ամենևին էլ չի մարել․․․...
«Քվանտ» վարժարանի պատմության ամբիոնի վարիչ պ․գ․թ․ Միքայել Մալխասյանի նախաձեռնությամբ կազմակերպվող դասախոսությունների շար...
ԵՊՀ-«Քվանտ» վարժարան արդյունավետ համագործակցության ևս մեկ վկայություն արդեն իրողություն է......
«Քվանտ» վարժարանում մեծապես կարևորում են ուսուցչական կազմի պարբերական վերապատրաստումները, համագործակցությունը կրթական-գի...
Հարգելի՛ քվանտականներ, ձեզ ենք ներկայացնում ավագ դպրոցի անգլերենի, պատմության, հայոց լեզվի, աշխարհագրության,...
Հարգելի՛ քվանտականներ, ավագ դպրոցի ամառային քննությունների ժամանակացույցը կարող եք նայել այստեղ։ ...
«Ինֆորմատիկա» առարկայից քվանտականների նվաճումները ակնհայտ են ոչ միայն մեր հանրապետությունում, այլ նաև միջազգային ասպարեզ...
Ազգի լինելության, ազգային դիմագծի պահպանման հարցում մեծապես կարևորվում է ազգային արժեհամակարգը, իսկ վերջինիս կարևորագույ...
2026 թ. փետրվարի 13-ին ՀՀ ԳԱԱ պատմության ինստիտուտի նախաձեռնությամբ տեղի ունեցավ պատմական գիտությունների դոկտոր, պրոֆեսոր Վլադիմիր Ղազախեցյանի ծննդյան 100-ամյակին նվիրված հոբելյանական նիստ։ Միջոցառմանը մասնակցում էին գիտնականի դուստրը, թոռները, հարազատները, գործընկերները, ընկերները, սաները՝ համախմբված նրա հիշատակի և գիտական ժառանգության շուրջ։
Բացման խոսքով հանդես եկավ ինստիտուտի տնօրեն, ԳԱԱ ակադեմիկոս Աշոտ Մելքոնյանը՝ ընդգծելով Վլադիմիր Ղազախեցյանի կարևոր դերակատարությունը թե՛ հայ պատմագիտության զարգացման, թե՛ իր գիտական գործունեության մեջ։ Իր խոսքում նա անդրադարձավ գիտնականի սկզբունքային կեցվածքին, պատմական ճշմարտության բացահայտմանն ուղղված անզիջում աշխատանքին և պատմագիտական մտքի կազմակերպման գործում ունեցած վաստակին։
Ելույթ ունեցավ նաև «Քվանտ» վարժարանի տնօրեն, ֆիզմաթ գիտությունների թեկնածու Ռոբերտ Վարդանյանը։ Նա շեշտեց, որ Վլադիմիր Ղազախեցյան ուսուցիչ-գիտնականի տեսակի ներկայությունը վարժարանի հիմնադրման առաջին տասնամյակում մեծապես նպաստեց կրթօջախի կայացմանն ու արժեհամակարգի ձևավորմանը։ Տնօրենը նշեց, որ վարժարանում մեծապես կարևորում են Ղազախեցյանի գործունեությունը և նրա թողած կրթական ու բարոյական ժառանգությունը։
Հոբելյանական տարվա շրջանակում որոշվել է վարժարանի՝ «Պատմություն» առարկայի հետազոտական աշխատանքների պաշտպանությունը նվիրել Վլադիմիր Ղազախեցյանի հիշատակին։ Բացի այդ, վարժարանի պատմության ամբիոնի նախաձեռնությամբ իրականացվող «Հայագիտակ» մրցույթը ևս կանցկացվի հոբելյանական խորհրդով՝ նվիրված մեծ պատմաբանի 100-ամյակին։
Վարժարանը նաև կսահմանի Վլադիմիր Ղազախեցյանի անվան կրթաթոշակ՝ խրախուսելու պատմագիտությամբ հետաքրքրվող և բարձր առաջադիմություն ցուցաբերող աշակերտներին։
Միջոցառման ընթացքում սիրելի ուսուցչի մասին խոսեցին նաև «Քվանտ» վարժարանի շրջանավարտներ, ներկայումս վարժարանի պատմության ամբիոնի վարիչ, ԵՊՀ դոցենտ, պ.գ.թ. Միքայել Մալխասյան, «Քվանտ» վարժարանի հասարակության հետ կապերի համակարգող, ՀՊՏՀ դոցենտ, բ.գ.թ. Լիլիթ Հակոբյանը: Մեծանուն գիտնականի պատմագիտական ժառանգության վերաբերյալ զեկուցումներով հանդես եկան մերօրյա պատմագիտության վառ ներկայացուցիչներ:
Միջոցառումը դարձավ ոչ միայն հիշատակի տուրք մեծ գիտնականին, այլև շարունակականության խորհրդանիշ՝ վկայելով, որ նրա գաղափարները, գիտական խստապահանջությունն ու մանկավարժական սկզբունքները շարունակում են ապրել և ներշնչել նոր սերունդներին։ Հ. Լ.
