ՀԱՄԱԴՊՐՈՑԱԿԱՆ ԳԻՏԱԿԱՆ ՕԼԻՄՊԻԱԴԱՅՈՒՄ ԴԱՐՁՅԱԼ ՔՎԱՆՏԱԿԱՆ ՀԱՂԹՈՂ ԿԱ․․․

Միջազգային տարբեր ստուգատեսներում քվանտականների հաղթանակները արդեն գեղեցիկ ավանդույթ են դարձել։ Այդ ասպարեզում ունենք ևս մեկ ուրախալի լուր։ 2023 թվականի ապրիլի 15-ին կայացավ ամերիկահայ ճարտարագետների և գիտնականների ընկերակցության (AESA-ի) ամենամյա 22-րդ գիտական օլիմպիադան, որին մասնակցել են ինչպես ԱՄՆ-ի, այնպես էլ ՀՀ դպրոցականները (http://www.aesa.org/science-olympiad/): Օրերս ամփոփվեցին համադպրոցական գիտական օլիմպիադայի արդյունքները։ Ներկայացված էին տարբեր անվանակարգեր։ Քվանտական գիտական խումբը այս անգամ էլ արձանագրում է հիանալի արդյունք․քիմիայի բնագավառում երրորդ կարգի մրցանակի է արժանանում «Քվանտ» վարժարանի 11-րդ դասարանի աշակերտ, Միջազգային բակալավրիատի «Դիպլոմա» ծրագրի սովորող Վլադիմիր Ղազարյանը։ Նրա կատարած հետազոտական աշխատանքը դեղամիջոցների քանակական անալիզին: Նախագծի գիտական ղեկավարն է «Քվանտ» վարժարանի քիմիայի ամբիոնի վարիչ, հանրապետության գիտական մտքի առաջատար մասնագետ Վ. Սարգսյանը: Ուշագրավ է այն, որ հաղթողների համար նախատեսված են դրամական պարգևներ: Ջերմորեն շնորհավորում ենք թե՛ մրցանակակիր քվանտականին, թե՛ նրա գիտական ղեկավարին և մաղթում նորանոր հաղթանակներ։