Էքսկուրսիաները կրթական-դաստիարակչական գործընթացի կարևորագույն բաղկացուցիչն են: Խորապես գիտակցելով դա՝ «Քվանտ» վարժարանի ուսուցիչները պարբերաբար կազմակերպում են տարբեր էքսկուրսիաներ՝ հնարավորություն տալով պատանի քվանտականներին ներդաշնակորեն համադրելու տեսական և գործնական գիտելիքները:
«Քվանտ» վարժարանի 7-1 դասարանի սովորողները դասղեկ Կ. Ասատրյանի և ֆիզիկայի ուսուցչուհի Ս. Գալստյանի ուղեկցությամբ այցելեցին Պլանետարիում. ուղևորություն դեպի արեգակնային համակարգի մոլորակներ և տիեզերական անսահմանություն: Հետաքրքրասեր քվանտականները մեծ խանդավառությամբ ծանոթացան աստղագիտության և ֆիզիկայի բնագավառներին, նոր գիտելիքներ ձեռք բերեցին մոլորակների կառուցվածքի, գալակտիկաների շարժման, տիեզերական այլ մարմինների վերաբերյալ:
Այցը անչափ հետաքրքիր և ուսանելի էր:
