ՄԱՐԶԱԿԱՆ ՄՐՑԱՇԱՐՈՒՄ ԵՎՍ ԱՌԱՋԱՏԱՐ ԵՆՔ...

    Քվանտականները փայլում են ոչ միայն գիտական-կրթական, այլև մարզական տարբեր միջոցառումների ժամանակ՝ հաստատելով այն միտքը, որ առողջ միտք ունեցողը առողջ է նաև մարմնով:

    Ս. թ. ապրիլի 26-ին մեկնարկեց «Մեկ ձայն» ասոցիացիայի կազմակերպած «Մեկ ձայն» վոլեյբոլի գավաթի առաջնությունը, որը համախմբել էր ասոցիացիայի 11 անդամ դպրոցների սաներին, այդ թվում՝ քվանտական պատանիներին: Մասնակիցները հանդես եկան տարիքային երկու խմբերում՝ ցուցադրելով մարզական բարձր պատրաստվածություն և թիմային անկոտրում ոգի: Միջոցառումն անցկացվեց «Այբ» դպրոցի մարզադահլիճում:

   Առաջնության հիմնական նպատակը դպրոցականների շրջանում թիմային աշխատանքի, առողջ մրցակցության և համագործակցության արժեքների խրախուսումն էր:

   Բոլոր խաղերը անաչառ վարեցին և կանոնակարգեցին Հայաստանի վոլեյբոլի ֆեդերացիայի արհեստավարժ մրցավարները: Հենց դրա շնորհիվ էլ մրցաշարն անցավ լարված ու հետաքրքիր մթնոլորտում: Արդար մրցակցության պայմաններում արձանագրվեցին հաղթող թիմեր: 10–12-րդ դասարանների մրցաշարում, ուժեղ մրցակիցներին հաղթելով, առաջին տեղ գրավեց «Քվանտ» վարժարան-ի թիմը՝ մեկ անգամ ևս վերահաստատելով այն կարևոր միտքը, որ իրական հաջողությունների հասնելու համար անհրաժեշտ են ոչ միայն անհատական ձեռքբերումներ, այլև թիմային աշխատանք, փոխադարձ աջակցություն և կարգապահություն:

    Ջերմորեն շնորհավորում ենք հաղթող քվանտականներին և մաղթում նորանոր նվաճումներ: