ՀԱՅՏՆԻ ԵՆ «ՀԱՅԱԳԻՏԱԿ 2026» ՄՐՑՈՒՅԹԻ ԵՐԿՐՈՐԴ ՓՈՒԼԻ ԱՐԴՅՈՒՆՔՆԵՐԸ

   Մարտի 7-ին տեղի ունեցավ հայագիտական գիտելիքների համավարժարանային ամենամյա մրցույթի երկրորդ փուլը։ Պատմության ու Հայոց լեզվի և գրականության ամբիոնների աշխատակիցները՝ հանձնաժողովի նախագահ, ԵՊՀ Հայոց պատմության ամբիոնի դոցենտ, պատմական գիտությունների թեկնածու Հովիկ Գրիգորյանի գլխավորությամբ, լսել են երկրորդ փուլ անցած աշակերտների բանավոր պատասխանները և կոլեգիալության սկզբունքով ամփոփել նրանց վերջնական գնահատականները։ Այս փուլին մասնակցել են առաջին փուլը հաղթահարած 17 աշակերտներից 16-ը։ Ամենաշատը, ինչպես և առաջին փուլում էր, 7-րդ դասարանի աշակերտներն են՝ ինը մասնակից, իսկ ամենաքիչը 9-րդ դասարանցիներն էին՝ երեք հոգի։ 8-րդ դասարանի մրցույթին մասնակցում էին հինգ աշակերտներ։

  Հաշվի առնելով մրցույթի վերջնական արդյունքները՝ հանձնաժողովը կազմել է արձանագրություն, որտեղ տեղ գտած ամփոփ տվյալները ներկայացված են ստորև։ Մրցանակաբաշխությունը նախատեսված է մարտի 14-ին՝ ժամը 13։30-ին, 403 լսարանում: Երկրորդ փուլին մասնակցած բոլոր աշակերտների ներկայությունը կարևոր է։

  Հիշեցնենք, որ «Հայագիտակ 2026» մրցույթն այս տարի նվիրված է վարժարանի պատմության ամբիոնի առաջին վարիչ (1995-2010 թթ.), անկախ Հայաստանում Հայոց պատմության առաջին դասագրքերի հեղինակ, պատմական գիտությունների դոկտոր, պրոֆեսոր Վլադիմիր Ղազախեցյանի 100-ամյա հոբելյանին։