Ժամանակակից մանկագիրը «Քվանտ» վարժարանում է․․․

«Քվանտ» վարժարանում մշտապես կարևորում են գրքի, գրականության և սովորող ընթերցողի միջև կապը, ու պարբերաբար միջոցառումներ են կազմակերպվում այդ ուղղությամբ։ Ուսումնական տարվա մեկնարկին զուգընթաց վարժարանում մեկնարկում են մի շարք հետաքրքիր նախագծեր։ Հիմնական և ավագ դպրոցներում սովորողների համար ժամանակակից գրականության ներկայացուցիչների հետ հանդիպումները արդեն գեղեցիկ ավանդույթի են վերածվել։ Այդ հիանալի միտքը գրավել է նաև հիմնադիր դպրոցի կազմակերպիչներին։ Վերջերս սկիզբ դրվեց մի հետաքրքիր նախաձեռնության․ տեղի ունեցավ «Ո՞վ է գրել այս գիրքը» նախագծի առաջին հանդիպումը, որի հյուրը Ժամանակակից հայ գրող-նկարազարդող Լիլիթ Ալթունյանն էր։ Մանկագիրը ներկայացրեց իր գրքերից մեկը` «Երաժիշտ հրեշը»։ Փոքրիկ քվանտականները իրենց հետաքրքիր և բազմաշերտ հարցերով հիացրին ժամանակակից գրողին, ապա նկարեցին իրենց հրեշներին, յուրաքանչյուրը պատմեց իր հրեշի մասին։ Յուրաքանչյուրի պատմությունը մի ամբողջական ստեղծագործություն էր, պատմություն, հաղթահարված վախ։ Միջոցառումն անցավ շատ հետաքրքիր և անկաշկանդ միջավայրում, ինչի համար։ Ուզում ենք հավատալ, որ նախագծի մյուս հանդիպումները չեն ուշանա և նոր, հետաքրքիր հույզեր ու զգացողություններ կպարգևեն փոքրիկ քվանտականներին։