«Քվանտ» վարժարանը շարունակաբար ամրապնդում է իր հիմնարար առաքելությունը՝ լինել այն կրթօջախը, որտեղ ձևավորվում են ոչ միայն գիտելիքով զինված, այլև վստահելի, հայրենասեր ու պատասխանատու քաղաքացիներ։ Այդ մասին լավագույնս վկայում են ոչ թե վիճակագրական տվյալները, այլ իրական պատմությունները։
Տեսնել Ավելին
«Քվանտ» վարժարանը շարունակաբար ամրապնդում է իր հիմնարար առաքելությունը՝ լինել այն կրթօջախը, որտեղ ձևավորվում են ոչ միայն գիտելիքով զինված, այլև վստահելի, հայրենասեր ու պատասխանատու քաղաքացիներ։ Այդ մասին լավագույնս վկայում են ոչ թե վիճակագրական տվյալները, այլ իրական պատմությունները։Օրերս մեր շրջանավարտներից մեկը՝ Գագիկ Մաթոսյանը, որը ներկայումս ուսանում է արտերկրի հեղինակավոր բուհերից մեկում՝ Աբու Դաբիի Սորբոնի համալսարանում, Հայաստան վերադառնալով, օդանավակայանից ուղիղ եկավ վարժարան՝ ճամպրուկով, առանց որևէ այլ կանգառի։ Այս պարզ, բայց խորապես իմաստալից այցը դարձավ ամենաազդեցիկ գնահատականը կրթօջախի նկատմամբ ունեցած վստահության ու կապվածության։Ժամանակակից կրթական միջավայրում, որտեղ մրցակցությունն աճում է, իսկ արժեքները հաճախ փոփոխվում են, նման դրվագները հստակ վկայում են՝ վարժարանը ոչ միայն կրթում է, այլև ստեղծում է կայուն հարաբերություններ, վստահություն և երկարատև կապ իր սաների հետ։Երբ առաջին կանգառը հարազատ կրթօջախն է, դա մի պատմություն է, որ խոսում է արժեքների մասին, ևս մեկ անգամ հաստատում՝ վարժարանը ոչ միայն գիտելիք է փոխանցում, այլև ձևավորում է արժեքներ, որոնք ժամանակի ընթացքում չեն խամրում։
Փակել
Օրերս «Քվանտ» վարժարանի 4-3 դասարանի սովորող Արամ Դովլաթյանը ներկայացրեց իր նախագծային աշխատանքը՝ «Ես ակտիվ եմ, քանի որ ճիշտ եմ սնվում և շատ եմ շարժվում» խորագրով։ Աշխատանքի ներկայացմանը ներկա էին 4-րդ դասարանցի սովորողները և ուսուցիչներ, որոնք մեծ հետաքրքրությամբ հետևեցին փոքրիկ հետազոտողի ելույթին։
Տեսնել Ավելին
Օրերս «Քվանտ» վարժարանի 4-3 դասարանի սովորող Արամ Դովլաթյանը ներկայացրեց իր նախագծային աշխատանքը՝ «Ես ակտիվ եմ, քանի որ ճիշտ եմ սնվում և շատ եմ շարժվում» խորագրով։ Աշխատանքի ներկայացմանը ներկա էին 4-րդ դասարանցի սովորողները և ուսուցիչներ, որոնք մեծ հետաքրքրությամբ հետևեցին փոքրիկ հետազոտողի ելույթին։Իր աշխատանքում Արամը անդրադարձել էր կենսական կարևորության մի խնդրի՝ առողջ ապրելակերպին։ Նա պարզ ու համոզիչ ձևով ներկայացրեց, թե ինչպես են ճիշտ սնունդը և ֆիզիկական ակտիվությունը նպաստում մարդու առողջությանն ու առօրյա ակտիվությանը։ Սա փոքրիկ «քվանտականի» ոչ միայն մի ուսումնասիրության ներկայացումն էր, այլև կարևոր հորդոր ներկաներին հետևելու իր օրինակին՝ ընտրելով առողջ սովորություններ։ Արամ Դովլաթյանի աշխատանքը ևս մեկ անգամ ապացուցեց, որ նույնիսկ փոքր տարիքում հնարավոր է բարձրաձայնել կարևոր գաղափարներ և սեփական օրինակով նպաստել կյանքի որակի բարձրացմանը
Փակել
Ամանորի ջերմ ու լուսավոր տրամադրություն էր տիրում վարժարանի հիմնադիր դպրոցում, որտեղ օրերս կրթական լրացուցիչ ծառայություններից օգտվող փոքրիկները իրականացրին «Ամանորյա դիմակահանդես» խորագրով գեղեցիկ և հիշարժան միջոցառում։
Տեսնել Ավելին
Ամանորի ջերմ ու լուսավոր տրամադրություն էր տիրում վարժարանի հիմնադիր դպրոցում, որտեղ օրերս կրթական լրացուցիչ ծառայություններից օգտվող փոքրիկները իրականացրին «Ամանորյա դիմակահանդես» խորագրով գեղեցիկ և հիշարժան միջոցառում։ Տոնական կերպարներով ու ժպիտներով զարդարված սենյակը լցված էր մանկական անկեղծ ուրախությամբ։ Փոքրիկները հանդես եկան Ամանորին նվիրված երգերով և ասմունքով՝ հիացնելով ներկաներին իրենց ազատ ու անկաշկանդ ելույթներով, արտիստիզմով և բեմական կեցվածքով։ Միջոցառման ընթացքում հնչեցին Ամանորին նվիրված բանաստեղծություններ ու երգեր, որոնք ստեղծեցին իսկական հեքիաթային մթնոլորտ։ Միջոցառման ամենատպավորիչ և սպասված պահը, իհարկե, Ձմեռ պապիկի հայտնվելն էր։ Նրա այցը իսկական տոն դարձավ փոքրիկների համար․ երգ ու ծիծաղի ուղեկցությամբ Ձմեռ պապիկը շնորհավորեց երեխաներին և նվերներ բաժանեց՝ կրկնապատկելով նրանց ուրախությունն ու տոնական հուզմունքը։ Ուշագրավ է, որ արդեն 5 տարի շարունակ դասվարի օգնական Տաթև Սարդարյանի նախաձեռնությամբ նմանատիպ բազմաթիվ միջոցառումներ են կազմակերպվում ողջ տարվա ընթացքում, որոնց շրջանակում փոքրիկ քվանտականները հնարավորություն են ստանում բացահայտելու և զարգացնելու իրենց ստեղծագործական ներուժը, հաղորդակցվելու բեմին և ներկայանալու հանրությանը՝ անկեղծ ու անմիջական տրամադրություններով։ Դիմակների հետևում՝ մանկական ժպիտներ և ամանորյա հրաշք․ առաջին դասարանի ամանորյա կախարդանքը կայացավ։ «Ամանորյա դիմակահանդեսը» ևս մեկ անգամ հաստատեց, որ նման նախաձեռնությունները ոչ միայն տոնական գեղեցիկ միջոցառումներ են, այլև կրթական ու դաստիարակչական կարևոր միջավայր, որտեղ երեխաները սովորում են ինքնարտահայտվել, աշխատել միասին և տոնի ջերմությանը հաղորդակից դարձնել միմյանց։ Հ․ Լ․ Հ․Գ․ Միջոցառման տեսագրությունը կարող եք դիտել հետևյալ հղումով՝ ՓՈՔՐԻԿ ՔՎԱՆՏԱԿԱՆՆԵՐԻ ԱՄԱՆՈՐԻ ՀԵՔԻԱԹԸ :
Փակել
«Քվանտ» վարժարանի մշակութային կյանքում հերթական հիշարժան էջը բացվեց. դպրոցական բեմը այս անգամ վերածվեց գաղափարների, հումորի և մանկական անկեղծության կենդանի տոնախմբության։
Տեսնել Ավելին
«Քվանտ» վարժարանի մշակութային կյանքում հերթական հիշարժան էջը բացվեց. դպրոցական բեմը այս անգամ վերածվեց գաղափարների, հումորի և մանկական անկեղծության կենդանի տոնախմբության։ Մեծ հաջողությամբ բեմադրվեց «Մկների ժողովը» ներկայացումը, որը ոչ միայն ներկայացում էր, այլ նաև իսկական իրադարձություն քվանտական փոքրիկ հանդիսատեսի համար։ Բեմի իրական հերոսները 4–3 դասարանի աշակերտներն էին (դասվար՝ Ն. Փանոսյան)։ Նրանց խաղը զարմացրեց բնականությամբ, խոսքը՝ հստակությամբ, իսկ կերպարների մեկնաբանությունը՝ հասուն մտածողությամբ։ Յուրաքանչյուր շարժում, յուրաքանչյուր ժեստ ու արտահայտություն խոսում էր այն մասին, որ բեմում կանգնած են ոչ պարզապես երեխաներ, այլ մտածող փոքրիկ արվեստագետներ, որոնք հասկացել ու սիրել են իրենց դերը։ Ներկայացման ողջ ընթացքում դահլիճը լի էր ծիծաղով, հետաքրքրված հայացքներով և անկեղծ ապրումներով։ «Մկների ժողովը» չորս անգամ ներկայացվեց «Քվանտ» վարժարանի առաջինից չորրորդ դասարանների աշակերտների համար՝ յուրաքանչյուր անգամ նույն ոգևորությամբ և ջերմ ընդունելությամբ։ Փոքրիկ հանդիսատեսը ոչ միայն հաճույքով հետևում էր զարգացումներին, այլ նաև աննկատ դառնում էր ներկայացման գաղափարական ուղեկիցը։ Բեմադրությունը հմտորեն փոխանցում էր համագործակցության, հնարամտության և համախմբվածության կարևոր գաղափարը՝ պարզ, հասկանալի և միևնույն ժամանակ խորքային ձևով։ Այն հիշեցնում էր, որ խնդիրների լուծումը ծնվում է միասնական մտածողությունից, փոխադարձ լսելու և աջակցելու կարողությունից։ Այս ներկայացումը ևս մեկ անգամ հաստատեց, որ թատրոնը վարժարանում պարզապես արվեստի դրսևորում չէ։ Այն դաստիարակության, հաղորդակցության և թիմային ոգու ձևավորման հզոր միջոց է, որտեղ երեխաները սովորում են ոչ միայն խոսել բեմից, այլ նաև լսել միմյանց, վստահել ընկերոջը և հավատալ ընդհանուր հաջողությանը։ «Քվանտ» վարժարանը այս բեմադրությամբ կրկին ապացուցեց, որ կրթությունն այստեղ սահմանափակված չէ դասագրքով․ այն ապրում է բեմում, շարժման մեջ է, շնչում է ստեղծագործությամբ և ձևավորում է մտածող, համախմբված ու նախաձեռնող սերունդ։
Փակել
