Նորություններ

Նորություններ

Ուսումնական տարին նշանավորվում է ևս մեկ հաղթանակով․․․

16.09.2020

Օրերս կայացավ ինֆորմատիկայի՝ Եվրոպայի պատանիների (մինչև 15 տարեկան) 4-րդ օլիմպիադան (EJOI)։ Այն պետք է անցկացվեր Թբիլիսիում, բայց համավարակի պատճառով իրականացվեց առցանց եղանակով։ Հայաստանը ներկայացնող չորս պատանիներից երկուսը «Քվանտ» վարժարանի աշակերտներ էին՝ Ռազմիկ Պարզյանը և Համլետ Պետրոսյանը։ Ոչ պաշտոնական կարգավիճակով մասնակցեցին և միջազգային օլիմպիադայի փորձ ձեռք բերեցին մի շարք պատանիներ, այդ թվում՝  քվանտական Հայկ Աղայանը։ Թիմը ղեկավարում էին ԵՊՀ մագիստրատուրայի ուսանողներ Լևոն Մուրադյանը և Կարեն Մկրտումյանը։ EJOI 2020-ի մրցույթի երկու օրերին՝ սեպտեմբերի 4-ին և 5-ին,  27 երկրների դպրոցականների հետ պայքարում փայլուն արդյունքներ արձանագրեց վարժարանի 10-րդ դասարանի աշակերտ Համլետ Պետրոսյանը։ Նա արժանացավ բրոնզե մեդալի։
Ջերմորեն շնորհավորում ենք հաղթող քվանտականին և նրան մաղթում նորանոր նվաճումներ․․․