«Քվանտ» վարժարանը մշտապես եղել է և կա հարազատ ու սիրելի անկյուն բոլոր քվանտականների համար։ Դրա վկայությունն այն է, որ տարբեր տարիների շրջանավարտները պարբերաբար այցելում են հարազատ կրթօջախ։ Բացառություն չէ նաև վարժարանի լավագույն շրջանավարտներից մեկի՝ Հայկ Տեփանյանի այցը։
Աշխարհում մրցունակ մասնագետ դարձած քվանտականը իր մասնագիտական կայացման հարցում մեծապես կարևորում է «Քվանտի» դերը և խորին երախտագիտությամբ հիշում ուսումնառության տարիները վարժարանում։ Հենց այդ տարիներին ստեղծվեցին այն անհրաժեշտ նախադրյալները, որոնց շնորհիվ Հայկը դեռ վարժարանում սովորելու տարիներին բազմաթիվ անգամներ դարձավ միջազգային օլիմպիադաների հաղթող։ Հենց վարժարանում ձեռք բերած գիտելիքների շնորհիվ նա փայլուն սովորեց և ավարտեց աշխարհի առաջատար համալսարաններից մեկում։
Այսօր Հայկը արդեն ստեղծել է իր սեփական գործը, արդյունավետ կազմակերպում է այն և ամեն անգամ՝ հայրենիք այցելելիս, առաջին հերթին լինում է հարազատ կրթօջախում, իր արձանագրած հաջողությունների մասին պատմում սիրելի ուսուցիչներին։
Այս անգամ ևս Հայկի այցելությունը վերածվեց իսկական տոնի։ Նրա հանդիպումը վարժարանի հիմնական դպրոցի դասարանների սովորողների հետ էր․ Հայկը սիրով պատասխանեց երեխաների հարցերին, խոսեց քվանտային համակարգիչների, ալգորիթմների, ինչպես նաև միջազգային հարթակում իր անցած ճանապարհի մասին, տվեց անհրաժեշտ խորհուրդներ։
Ուզում ենք հավատալ, որ Հայկի՝ բացառապես իր գիտելիքների և եռանդուն ջանքերի շնորհիվ լրջագույն հաջողությունների հասնելու և աշխարհի մասշտաբով մրցունակ մասնագետ դառնալու փայլուն օրինակը չափազանց կոգևորի մեծ կյանքի շեմին գտնվող պատանի քվանտականներին։
