Օրերս «Քվանտ» վարժարանի ՄԲ «Դիպլոմա» ծրագրի շրջանավարտ Ալիսա Մինասյանը այցելել էր հարազատ կրթօջախ և հանդիպում ունեցավ քվանտական պատանիների հետ, արժեքավոր խորհուրդներ տվեց արդյունավետ աշխատելու, Հայաստանից դուրս համալսարաններում առաջ եկած խնդիրները արդյունավետորեն լուծելու, առաջ եկող դժվարությունների և դրանց հաղթահարման ուղիների մասին։ Նշենք, որ նա սովորել է Լոնդոնի Kingston համալսարանում, իսկ այժմ կրթությունը շարունակում է աշխարհի առաջատար համալսարաններից մեկի՝ Լոնդոնի թագավորական համալսարանի (King’s College London) մագիստրատուրայում։
Ալիսան մեծ հաջողություններ է գրանցել գիտության ու կրթության ոլորտում, իսկ իր ուսումնասիրությունները շարունակելու ընթացքում բախվել է բազմաթիվ մարտահրավերների։ Հանդիպման ընթացքում նա կարևորեց արդյունավետ աշխատանքի գաղտնիքները՝ սկսած ժամանակի ճիշտ կառավարումից և ինքնազարգացման կարևորությունից մինչև միջազգային կրթական համակարգերում առաջացած խնդիրների լուծմանն ուղղված մոտեցումները։
Քվանտական պատանիների հետ ունեցած հանդիպմանը Ալիսան իր անձնական փորձը փոխանցեց նրանց։ Նա ընդգծեց, որ բոլոր այն դժվարությունները, որոնց մենք հանդիպում ենք կրթության և գիտության ոլորտներում, գալիս են փորձից։ «Նույնիսկ երբ ոմանք զգում են անվստահություն իրենց ուժերի հանդեպ, պետք չէ կանգ առնել: Ամեն խոչընդոտի հետևում միշտ էլ կա հնարավորություն՝ սովորելու, բացահայտելու և ավելի առաջ գնալու», - նշեց նա։
Ալիսան կարևորեց միջազգային կրթական միջավայրում աշխատելու և սովորելու ընթացքում մշակված հմտությունները՝ բազմազանության նկատմամբ բաց լինելու, դիմակայելու անորոշություններին և գտնելու լուծումներ այն հարցերին, որոնք մեզ թվում են անհաղթահարելի։
Ալիսան մասնավորապես ընդգծեց, որ աշխարհի առաջատար համալսարաններում կրթությունը հաճախ կապված է ոչ միայն գիտելիքներ ստանալու, այլև նրա հետ, թե ինչպես ճիշտ կազմակերպես աշխատանքդ, ինչպես տիրապետես ժամանակին ու արդարացիորեն մոնիտորինգ իրականացնես ամեն մի առաջընթացի վրա։ Հանդիպման ավարտին նա խորհուրդ տվեց պատանիներին չվախենալ դժվարություններից, քանի որ դրանք ի վերջո դառնում են ամենակարևոր ուսուցանողներ։ Ինքն էլ սրտանց առաջարկեց իր աջակցությունը Անգլիայում կրթություն ստանալու ցանկություն ունեցող բոլոր քվանտականներին։
Ուզում ենք հավատալ, որ նմանատիպ հանդիպումները մեծապես խթանում են կրտսեր քվանտականների՝աշխարհը ավելի լավ ճանաչելու ընթացքը։
Հ․ Գ․ Ալիսան դարձավ «Քվանտ» մեդիա կենտրոնի նոր հաղորդաշարի առաջին հյուրը։ Ստորև ներկայացնում ենք այդ հաղորդման հղումը՝
IB-ԻՑ ԴԵՊԻ ՄԵԾ ԱՇԽԱՐՀ - YouTube
Հ․ Լ․
