Նորություններ
ԵՊՀ- «Քվանտ» վարժարան բարեկամության հետքերով․․․
11.11.2022
Օրերս «Քվանտ» վարժարանում էր ԵՊՀ ֆիզիկայի ֆակուլտետի պինդ մարմնի ֆիզիկայի ամբիոնի վարիչ, ֆիզմաթ գիտությունների դոկտոր, պրոֆեսոր Արշակ Վարդանյանը։ Նա հանդիպում ունեցավ վարժարանի ավագ դասարանների մասնավորապես մասնագիտական հոսքերում սովորող աշակերտների հետ։ Հանդիպման նպատակն էր քվանտականներին ներկայացնել համապարփակ և ընդգրկուն տեղեկատվություն՝ իրենց ամբիոնում բացված այն մասնագիտությունների վերաբերյալ, որոնք սերտորեն կապված են նանոտեխնոլոգիաների հետ։
Կարևոր է նշել, որ 30-ամյա «Քվանտ» վարժարանի կայացման գործում մեծ է Երևանի պետական համալսարանի դերը: Վարժարանի հիմնադիրները, սկզբնական շրջանում նաև մանկավարժական անձնակազմի մեծ մասը ԵՊՀ աշխատակիցներ էին, որոնք հանրակրթական դպրոց բերեցին համալսարանական ոգի, հարաբերությունների նոր որակ, ուսուցման ժամանակակից մեթոդներ, դպրոցական գործի կազմակերպման նոր ձևեր: Ի դեպ, տարիներ շարունակ վարժարանի մանկավարժների կեսից ավելին գիտությունների թեկնածուներ և դոկտորներ էին, հիմնականում ԵՊՀ աշխատակիցներ։
