Նորություններ

Նորություններ

Օլիմպոսը նվաճում է ևս մեկ քվանտական․․․

02.07.2021

Ուսումնական տարին ավարտին է մոտեցել, սակայն օլիմպիական քվանտականների եռանդը ամենևին էլ չի մարել։ Այս անգամ օլիմպիական բարձունքը նվաճել և հարազատ կրթօջախին, սիրելի ուսուցիչներին հաղթանակի բերկրանք է պարգևել «Քվանտ» վարժարանի՝ ՄԲ «Դիպլոմա» ծրագրի առաջին կուրսի սովորող Ամարաս Նազարեանցը։ Մասնակցելով Եվրոպայի աղջիկների ինֆորմատիկայի առաջին օլիմպիադային՝ Ամարասը ուժերը փորձեց 40 երկրի 158 մասնակցի հետ և նվաճեց բրոնզե մեդալ։
Օլիմպիադայի կազմակերպիչ երկիրը Շվեյցարիան էր։ Աշխարհին պատուհասած համավարակով պայմանավորված՝ օլիմպիադան անցկացվեց առցանց։
Աղջիկների մասնակցությունը միջազգային նմանօրինակ մրցույթներում խրախուսելու համար միջազգային հատուկ օլիմպիադա էր կազմակերպվել հենց նրանց համար։ Քվանտական Ամարասը ապացուցեց, որ ոչնչով հետ չի մնում տղաներից և փայլուն արդյունք կարող է արձանագրել հենց առաջին մասնակցությամբ։
Ջերմորեն շնորհավորում ենք Ամարասին և բոլոր քվանտականներին․․․