Նորություններ
ՄԱՀԱԶԴ
03.09.2021
Խոր ցավով և մեծ ափսոսանքով տեղեկացնում ենք, որ 63 տարեկան հասակում կյանքից անժամանակ հեռացավ «Քվանտ» վարժարանի ռուսաց լեզվի ամբիոնի վարիչ, բանասիրական գիտությունների թեկնածու, դոցենտ Արթուր Բորիսի Աբգարյանը։
Նա 1981-1990թթ․ աշխատել է Կուլյաբի պետական մանկավարժական ինստիտուտի ժամանակակից ռուսաց լեզվի և ընդհանուր լեզվաբանության ամբիոնում որպես դասախոս։
2012թ․-ից Երևանի Բրյուսովի անվան պետական լեզվաբանական համալսարանի ավագ դասախոս է։ 2017-ից աշխատում է նաև «Քվանտ» վարժարանում որպես ռուսաց լեզվի ուսուցիչ, ապա նաև ամբիոնի վարիչ։
Հեղինակ է շուրջ 25 գիտական աշխատանքի։ Վերջին տարիներին մեծ է նրա ներդրումը վարժարանում ռուսաց լեզվի դասավանդման մեթոդական խնդիրները արդյունավետորեն լուծելու, առարկայի նկատմամբ սեր սերմանելու հարցում։
Արթուր Աբգարյանը սիրված ուսուցիչ էր, հիանալի մարդ, բարի ու ազնիվ ընկեր, որ ուներ բազում չիրականացած երազանքներ, կարևոր նպատակներ և՛ մասնագիտական գործունեության ոլորտում, և՛ կյանքում․․․
Արհեստավարժ գիտնականի, սիրելի ուսուցչի, բարի ու լավ ընկերոջ, կենսուրախ մարդու հիշատակը միշտ վառ կմնա նրան ճանաչողների հուշերում․․․
Խունկ և խոնարհում․․․
