Հայտարարություններ
Նորություններ
ՔՎԱՆՏԱԿԱՆԸ ՓԱՅԼՈՒՄ Է ԲԵՄՈՒՄ...
29.04.2025
«Քվանտ» վարժարանում պատանիների դաստիարակության գործում մեծապես կարևորում են մշակույթի դերն ու նշանակությունը: Մեր տաղանդավոր փոքրիկները մասնակցում են ոչ միայն տարբեր օլիմպիադաների, այլ նաև մշակութային միջոցառումների ու փայլում են ամենատարբեր բեմերում:
Ս.թ. ապրիլի 17-ին Հ. Պարոնյանի անվան երաժշտական կոմեդիայի թատրոնի դահլիճում կայացավ «Թանգարանի գաղտնիքը» ներկայացումը՝ նվիրված Հովհաննես Թումանյանի ծննդյան 155-ամյակին: Ներկայացման գործուն մասնակիցներից էին նաև «Քվանտ» վարժարանի 5-1 և 5-3 դասարանների աշակերտուհիներ Մանե Հովհաննիսյանն ու Նարե Ծուլիկյանը: Նրանք իրենց երգերով ու դերասանական անթերի խաղով անմոռանալի պահեր պարգևեցին հանդիսատեսին:
Երևանի մանկապատանեկան կենտրոնի «Կամերտոն» վոկալ ստուդիայի և նրա ղեկավար, ՀՀ մշակույթի վաստակավոր գործիչ Նաիրա Գուրջինյանի այս հրաշալի նախաձեռնությունը մյուզիքլի միջոցով բացահայտեց թումանյանական անչափ գեղեցիկ ու կախարդական աշխարհը՝ սովորեցնելով բազում երեխաների սիրել գրականությունը, արվեստը և մեր ազգային ժառանգությունը:
Ջերմորեն շնորհավորում ենք մշակութասեր քվանտականներին՝ նրանց մաղթելով նոր բեմեր ու բազում հրաշալի ներկայացումներ:
